Трэці год на ўрок дадатковага чытання для вучняў 9 класа Кліменка В.Л., настаўнік беларускай мовы і літаратуры, выбірае твор нашага пісьменніка-земляка Анатоля Статкевіча-Чабаганава “Лёс роду – лёс Радзімы”.
Дзеці з задавальненнем чыталі тэкст пасля таго, як мы напярэдадні абмеркавалі некаторыя гістарычныя падзеі таго часу, аб якім згадвае аўтар.
У гэтым годзе адзначалі юбілей гэтага таленавітага пісьменніка. У нашым Доме народнай творчасці в. Обчын была арганізавана выстава “75 год пісьменніку – земляку”.
Вучні 9 класа разам настаўнікам беларускай мовы і літаратуры наведаліся ў Дом народнай творчасці, дзе пазнаёміліся з творчасцю і літаратурнымі творамі Анатоля Васільевіча. Расказ Наталлі Анатольеўны, бібліятэкара гэтай установы, суправаджаўся прэзентацяй.
Асноўныя звесткі вучні занатавалі ў свае сшыткі. А яшчэ вучні наведалі музей размешчаны на другім паверсе, у якім змяшчаецца мноства прадметаў побыту нашых продкаў.
І хоть шлях паміж Домам народнай творчасці і нашай ўстановай адукацыі кароткі, але Вольга Леанідаўна высветліла, што мерапрыемства вучням спадабалася і час прайшоў з карысцю.